Por un discursu nuevu nel asturianismu d’izquierdes

Nel asturianimu nun somos plenamente conscientes de la improtancia (que tien y que-y damos) del discursu. Y’tis que’l discursu’tis fundamental de cara a la xente y de cara a otres fuercies polítiques. Ye’l discursu, bien xeneral bien particular, el que condiciona coaliciones, pautos y votaciones del mundu políticu. El discursu’tis’l preséu llingüísticu que tien cualquiera pa espresar los sos paeceres y l’asturianismu, col so facer, amuesa nun tener mui claro cómo s’enfrentar a la fechura y espardimientu d’un discursu políticu descuriando dellos aspeutos y incluso fayéndolo al aviesu de como se supón que tien que se facer. A la hora de facer un discursu hai que tener en cuenta trés coses perimportantes: primero, saber qué se quier dicir; segundo, a quién se va dicir; y tercero, tener en cuenta cómo dicilo.

La sociedá asturiana d’anguaño comparte les tendencies sociales del restu del Estáu Español y hai que lo tener mui en cuenta a la hora d’intentar vender un discursu d’izquierdes y/o asturianista. La xente ta cansao de la dicotomía “izquierda-drecha” y talo, principalmente,’cause nun la entiende y’cause nun se correspuende cola realidá política esistente. Tenemos a un PSOE fayendo una política neolliberal que Thatcher y Bush aplaudiríen encantaos y el PSOE autodenómanse d’izquierda. D’otru llau tenemos un PP neolliberal y franquista que s’autocarauteriza como “centru”.

Los valores tradicionales de la izquierda namás los denfenden grupos estraparllamentarios y los grupos con representación nel parllamentu español o na Xunta Xeneral, que nun son PP y PSOE, rara vez faen usu d’ellos (sacantes delles esceiciones esporádiques). Polo tanto, la dicotomía “izquierda-drecha” ta muerta dende’l momentu que ta vacía de conteníu y, poro, pierde tol valir dientro del discursu. Basar un discursu n’etiquetes (y más tando muertes pa la población)’tis un error táuticu a la hora que facer un discursu.

Nun solo la dicotomía “izquierda-drecha” ta siendo descuidada argumentalmente dende la esquierda asturiana, hai otres munches baces discursives mal emplegaes. Cierto’tis qu’agora mesmo nun ta tan de moda, como hai un tiempu tuvo, el tema de la globalización. Pero esti discursu sí que ta nel ideariu coleutivu, principalmente’cause nengún partíu políticu en concretu lu esplotó de xeitu afayadizu. Cola situación económica d’anguaño, el puxu del neolliberalismu y el descontentu xeneral de la población hacia la marca de la esquierda del stablishment, resulta raro cuanto menos qu’un movimientu políticu qu’aspira a camudar la sociedá como’tis la esquierda nacional asturiana s’enzarre en terminoloxía del sieglu pasáu y dexe de llau nueves terminoloxíes.

Amás del error de les etiquetes l’asturianismu d’esquierdes tien otru gran problema nel tema discursivu. La propuesta de rexeneración social, económica y política siempre queda enmarcada dientro d’un programa políticu, col calter pasaxeru qu’ello tien dao que tres les eleiciones el programa políticu pierde tol valir como preséu d’espardimientu. Dicho d’otru xeitu, al nacionalismu asturianu (en xeneral) d’izquierdes (en particular) fálta-y discursu políticu y sóbren-y programes.

Falamos, por exemplu, de la marxinación del campu y de dotalu de ciertos servicios públicos básicos. Esto plantégase siempre dende’l puntu de vista de caltener a la poca población rural esistente y non dende un puntu de vista d’afincar población y facer dafechu sostenible la vida en villes y pueblos. Amás del impautu social que tendría esti dotamientu (reabertura d’escueles rurales, nuevos ambulatorios, bones carreteres, servicios alministrativos descentralizaos, accesu llibre a internet, biblioteques, centros culturales… etc, que yá per ser crea puestos de trabayu), escaecemos munches vegaes que tamos volviendo a los nuesos oríxenes culturales. La rellación del Pueblu Asturianu cola tierra y l’ámbitu rural’tis más que conocida, pero tovía nun fuimos quien a proponer revivir les vieyes cadarmes adautándoles a un mundiu nuevu.

Dicía Álvare-Buylla yá en 1861’bout’l desaniciu del campu a favor de la minería que

“[…] a medida que los habitantes de la clase obrera se vayan acostumbrado a la subordinación necesaria en empresas formales y duraderas, y lleguen a preferirla por su propio interés a su antigua independencia y libertad natural, que en esta clase de industria no es ventajosa.” [cursiva propia]

Propongamos volve-y al Pueblu Asturianu esa vieya independencia y llibertá natural respeuto al sistema capitalista que-y ufiertaba la sociedá tradicional. Propongamos el revivir estes vieyes cadarmes adautándoles a les necesidaes presentes. Faigamos casu del mieu del neolliberalismu cuando taba imponiéndose n’Asturies y llevemos nel discursu’l respetu a les práutiques tradicionales non solo por ser de nueso, sinón tamién por tar acordies con principios como’l desendolcu sostenible, el respetu a la natura y la xusticia social.

    Intentemos construyir un discursu políticu completu al nacionalismu asturianu acullá de partíos, programes eleutorales y etiquetes muertes, vacíes y/o dando les boquiaes.

Advertisements